الفيلا طلعت فعلا فيلا.. مش مجرد كافيه في شقة مقفولة..

الفيلا | مقهى كلاسيكي (على الروف) في جاردن سيتي

 

الفيلا - صورة من الصفحة الرسمية للمقهى

جاردن سيتي

من أيام؛ كان عندي ميعاد في جاردن سيتي.. المنطقة الراقية الهادية الجميلة اللي بيحاوطها الكورنيش وشارع القصر العيني وميدان التحرير ووسط البلد..

بعض الأصدقاء نصحوني أخلي الميعاد في (الفيلا)، وقالولي إنه كافيه لطيف جدا بيعكس الطابع الراقي اللي بتتميز بيه جاردن سيتي..

لما وصلت للعمارة اللي فيها الكافيه، قابلتني مشكلة (معتادة) عشان أركن العربية.. جاردن سيتي مكان لا يُنصح بالذهاب إليه بسيارة..

العمارة اللي فيها الكافيه على ناصية 3 شوارع، والكافيه في الدور الخامس أو الأخير وليها أسانسير لوحدها..

الفيلا

الفيلا طلعت فعلا فيلا.. مش مجرد كافيه في شقة مقفولة..

انت بتختار تقعد في الIndoor جنب المكتبة الصغيرة أو في قلب المكان المنظوم على الطابع الكلاسيكي القديم، أو الOutdoor حيث الخضرة والسما والهواء العليل في يوم خريفي معتدل..

أنا اخترت طبعا الOutdoor..

منيو عظيم؛ شامل وافي كافي جدا لكافيه ومطعم على الطراز الرفيع..

اخترت أنا ورفقائي نشرب قهوة.. الخدمة في منتهى الاحترافية..

والقهوة كانت ممتازة، بتتعمل بمزاج أكيد..

أنا برشح كافيه الفيلا لأي حد عاوز يقعد في مكان هادي.. يشتغل أو يذاكر أو يقعد مع أصحابه..

مقعدناش كتير للأسف، لكن فيه مرة تانية بإذن الله هنروح نقعد في المكان فترة كافية عشان نعمل فيها ريفيو هنتكلم فيه بالتفصيل الممل عن الاكتشاف الجميل دة..

عشان منساش..

عنوان الفيلا: 2 شارع عائشة التيمورية – جاردن سيتي

ولينك صفحة الفيسبوك من هنا

ودة اللوكيشن على Google Maps

اقرأ أيضا: ستاربكس القهوة الأفضل في العالم | مقدمة عن المقهى الأشهر